Bátur smíðaður í Slippnum

Í gær var lagður kjölur að nýjum bát í gamla Slippnum hér í bæ. Það er Síldarminjasafnið sem stendur fyrir þessari smíði og er það samkvæmt samningi við menntamálaráðuneytið.

Þetta verkefni er í námskeiðsformi og er Skúli Thoroddsen yfirsmiður og kennari. Báturinn er smíðaður úr furu og verður nálægt 6 m að lengd og verður eftirmynd Hindisvíkurbátsins sem fenginn var að láni frá Byggðasafninu að Reykjum í Hrútafirði.

Þessi gamli bátur er frá árinu 1876 og er einn mjög fárra norðlenskra árabáta sem varðveist hafa frá svo gamalli tíð. Ætlunin er að vinna að bátnum í 3 vikur nú í haust og taka svo til við hann síðvetrar og verður þá væntanlega  fylgst með verkinu hér á fréttasíðunni.



Skúli Tóroddssen yfirsmiður og Hjalti Gunnarsson



Ragnar Aðalsteinsson og Ingimar Vignisson



Báturinn með grænuröndinni var smíðaður í fyrra fyrir Síldarminjasafnið



Vélarnar í slippnum eru komnar til ára sinna, en eru áfram notaðar við bátasmíði















Texti: ÖK
Myndir:GJS