Bjarki Már Árnason hefur skipt yfir í 2. deildarlið KF

Bjarki Már Árnason hefur skipt yfir í 2. deildarlið KF, Knattspyrnufélag Fjallabyggðar. Bjarki hefur verið lykilmaður hjá Tindastóli undanfarin ár en hann var í liði ársins í annarri deildinni síðastliðið sumar sem og árið 2009.

KF hafnaði í sjötta sæti 2. deildarinnar í fyrra en Tindastóll vann deildina og spilar í 1. deild á komandi sumri. Bjarki er mjög góður styrkur fyrir komandi átök hjá KF og er ljóst að leikmannahópurinn er nánast að verða tilbúinn fyrir komandi sumar.

KF tekur þátt í lengjubikarnum sem fer fram í mars og apríl, nánar verður fjallað um það síðar.

Texti og mynd: Aðsent