Blak-orrusta aldarinnar

 

Nú er komið að því. Klukkan 18 í dag verður blak orrusta aldarinnar háð á strandblak vellinum á Rauðku lóðinni. 

 

Þessi 2 lið hafa elda grátt silfur (sem er eins og hárið á Gulla Stebba) saman í mjög stuttan tíma. 

 

Stelpu og stráka liðið eða það heitir lið Gulla Stebba og Hrafnhildar Theodórs munu etja kappi við Sand-Svínin en það eru Ómar Óskars og Hrólf Baldurs með það ansi hreint þjála nafn á keppnisliði sínu. 

 

Sand-Svínin vita í raun ekkert hvað þau eru að fara út í en vonandi verður þetta í lagi. Stelpu og stráka liðið eru töluvert meira inn í blak heiminum þannig að ég myndi beina þeim tilmælum til þeirra sem ætla að veðja upp á úrslitin að hafa samband við veðbanka og veðja á Stelpu og stráka liðið.

 

 Annars gæti þetta dregist eitthvað á langin, eins og nafnið gefur til kynna þá eru Sand-Svínin alls ekki með gott úthald.

 

 Við vonum alveg innilega að sem fæstir komi og horfi á þessar aðfarir á annars ágætri íþrótt.