Borgarbúar styðja Icesave frekar en landsbyggðin

Fylgi við að samþykkja Icesavesamninginn er töluvert meiri á höfuðborgarsvæðinu en á landsbyggðinni og fleiri karlmenn vilja samþykkja hann en konur, samkvæmt skoðanakönnun MMR fyrir Viðskiptablaðið.

Af þeirm sem tóku afstöðu sögðust liðlega 52 prósent styðja samninginn en tæp 48 prósent sögðust ætla að hafna honum í þjóðaratkvæðagreiðslunni, þannig að mjótt er á mununum. Ekki kemur fram í Viðskiptablaðinu hversu margir eru óákveðnir.

Í gær 16. mars, hófst atkvæðagreiðsla utan kjörfundar vegna þjóðaratkvæðagreiðslunnar 9. apríl n.k. um gildi laga nr. 13/2011, betur þekkt sem Icesavelögin.