Endurbótum lokið í Héðinsfjarðargöngum

Á fimmtudag vann vegagerðin hörðum höndum að endurbótum á veginum gegnum Ólafsfjarðarhluta Héðinsfjarðargangna. Framkvæmdum er nú lokið og vegurinn hinn besti. Vegurinn hafði orðið fyrir töluverðum skemmdum á löngum kafla í göngunum. Þurfti að fletta malbikinu af á því svæði og leggja nýtt malbik í sárin. Einhverjar tafir urðu á umferð meðan á framkvæmdum stóð en vegurinn er nú nánast sem nýr og tilbúinn fyrir átök helgarinnar þegar skíðasvæðið opnar í dag.