Félag eldriborgara heldur af stað á Hótel Örk

Með bros á vör er skundað af stað á Örkina. Ljósmyndari; Finnur Yngvi Kristinsson

Á sunnudagsmorgun hélt félag eldriborgara á Siglufirði áleiðis í sína árlegu ferð á Hótel Örk í Hveragerði undir dyggri leiðsögn Sveins Björnssonar. Auðséð var að hópurinn var hinn hressasti og mikil tilhlökkun í mannskapnum.

Fréttamaður Siglo.is skellti sér í rútuna til að mynda hópinn við brottför og lág við að hann hefði ekki viljað stíga úr rútunni aftur. Augljóslega verður mikið fjör hjá hópnum en 14 manns fóru með rútunni frá Siglufirði, allt í allt verða Siglfirðingarnir á Hótel Örk hinsvegar um 50 þar sem margir stefna á að mæta á sínum eigin fák í Örkina.

Hópurinn heldur síðan til baka á föstudag og vonandi fær Sigló.is þá ferðasöguna, eða að minnstakosti þann hluta sem segja má frá.

Góða ferð

Siglo.is