Fjöll og firðir - Fiðrildi í felum

Fréttir

Fjöll og firðir - Fiðrildi í felum

Á laugardaginn næsta verður ljósmyndasýning í Gallerý Rauðku bláa húsinu.

Þar verða Björn Valdimarsson, Gunnlaugur Guðleifsson, Guðný Ágústsdóttir og Kristín Sigurjónsdóttir að sýna verk sín.

Ljósmyndirnar eru teknar víðsvegar í Fjallabyggð og nágrenni.

Sýningin opnar kl. 14:00 á laugardag.

Sýningin verður opin til sunnudagsins 8. desember frá kl 14. - 18. um helgar og frá kl. 16. - 18 virka daga.

Ég kom við hjá þeim þegar þau voru að setja upp sýninguna og allir voru hreinlega að fara af límingunum af spenningi.

Það sem ég sá af myndunum er alveg hrikalega flott og ég get lofað flottri sýningu.

Svo kom Kristín Sigurjóns með kíló af Nóa-Siríus konfekti sem hún vildi ekki opna fyrir mig fyrr en á laugardaginn, þannig að ég ætla bara alls ekki að mæta of seint á sýninguna.

Ég þekki stúlku sem getur vottað það að svoleiðis konfekt-kíló geta horfið örskots stundu og jafnvel án þess að eigandinn verði þess var.

Hér eru svo nokkrar myndir af þessum úrvals ljósmyndurum þar sem þeir voru að stilla upp og pæla í hinu og þessu.

Miklar pælingar voru hjá þessum 2. Kristín er í símanum vegna þess að hún þurfti að hringja í vin til þess að fá úr því skorið hvor myndin væri betri.

Jájá, spöggulerum aðeins í þessu.