Flott bókasafn

Bókasafnið á Siglufirði hefur gengið í endurnýjun lífdaga eftir miklar endurbætur á húsnæðinu.

Þar ættu allir að finna sér góðar bækur við sitt hæfi og sérstaklega má benda gott úrval barnabóka og skemmtilegt barnahorn sem búið er að koma upp.

Þar geta foreldrar kíkt við og átt notalega stund með börnunum yfir góðri bók.



Það hafa verið skemmtilegir viðburðir í gangi á safninu t.d. var bangsaþema um daginn og litu margir í heimsókn með bangsana sína.

Það er um að gera að ýta undir áhuga barna á yndislestri en rannsóknir sýna fram á að dregið hefur úr lestri íslenskra barna og um þriðjungur þeirra les lítið sem ekkert.

Sterk tengsl eru á milli lestraránægju og lesskilnings og best er að byrja nógu snemma.

Norræn bókasafnsvika er haldin dagana 8. - 14. nóvember 2010 og tekur Rósa Bjarnadóttir forstöðumaður Bókasafns Fjallabyggðar á móti gestum með bros á vör.

Bókasafnið er opið mánudaga til föstudaga frá klukkan 11:00 - 17:30 - athugið að bókasafnið er líka opið í hádeginu