Flottur markaður

Konurnar í kvennasmiðjunni héldu markað í Danna upplýsingarmiðstöð (Rauðkutorgi) um helgina.

Aðsóknin á markaðinn var framar öllum vonum og voru kvennasmiðjukonur hæstánægðar með hvernig til tókst.

Það kenndi ýmissa grasa á markaðnum og gátu allir fundið sér eitthvað við hæfi - kaffið og vöflurnar voru heldur ekki af verri endanum.

Gera mátti reyfarakaup á öllu milli himins og jarðar og hafa margir gert góð kaup.

Frábært framtak hjá þeim í kvennasmiðjunni sem lífgar svo sannarlega upp á mannlífið.