Frétt frá FÁUM

Árið 2011 var samþykkt á stjórnarfundi FÁUM, Félags áhugamanna um minjasafn, að félagið veitti styrki til menningamála sem tengjast með einhverjum hætti sögu Siglufjarðar.
Eftir að hlutverki félagsins sem aðaluppbyggingaraðili Síldarminjasafnsins lauk hefur það með ýmsum hætti unnið að öðrum verkefnum í þágu sögu staðarins.

Stjórn félagsins velur verkefni, félög eða stofnanir sem hljóta styrki að
hverju sinni. Á þessu ári veitti félagið fjóra styrki, sem samtals nema 250.000,- krónum.

Styrkjum var úthlutað til eftirtaldra aðila:

Slippfélag Siglufjarðar (áhugamannafélag) hlaut styrk að upphæð 25.000.-

Ljóðasetur Íslands hlaut styrk að upphæð 50.000.- vegna útgáfu á siglfirskum gamansögum.

Þjóðlagasetur sr. Bjarna Þorsteinssonar hlaut styrk að upphæð 75.000.- vegna reksturs.

Síldarminjasafn Íslands hlaut styrk að upphæð 100.000.- til viðhalds á Slippnum.

Stjórn félagsins skipa Guðmundur Skarphéðinsson, Hannes Baldvinsson, Rósa Margrét Húnadóttir, Sigurður Hafliðason, Regína Guðlaugsdóttir, Sturlaugur Kristjánsson og Þór Jóhannsson.