Fyrstur Íslendinga í göngu á ÓL frá 1994?

Sævar Birgisson, skíðagöngumaður úr Skíðafélagi Ólafsfjarðar, náði á laugardaginn lágmarki fyrir Ólympíuleikana í Sochi í Rússlandi árið 2014.



Sævar fékk 86 FIS-stig í sprettgöngu á FIS-móti í Idre-fjöllum í Svíþjóð en keppendur þurfa að komast undir 120 FIS-stig til að ná lágmarkinu.



Íslenskur skíðagöngumaður hefur ekki keppt á Ólympíuleikum frá því að Daníel Jakobsson, bæjarstjóri á Ísafirði, gerði það árið 1994.

Sævar hafnaði í 15. sæti í göngunni.