Garpamót SSÍ í sundi

Guðjón Guðnason(SH) í flugsundi á Garpamótinu í sundi. Ljósmyndari; Siv Friðleifsdóttir

Þann 1. maí síðastliðinn skipulagði Sundsamband Íslands (SSÍ) garpamót á Siglufirði. Um 60 garpar kepptu í mótinu sem var hið skemmtilegasta.

Siv Friðleifsdóttir var að sjálfsögðu á svæðinu og gaf Siglo.is færi á að birta myndir af síðu sinni. Keppt var í skriðsundi, flugsundi, bringusundi, baksundi, fjórsundi og svo að sjálfsögðu boðsundi í öllum greinum. Að loknu vel heppnuðu móti var að sjálfsögðu slegið til lokahófs á Allanum þar sem keppendur uppskáru árangur erfiðisins.