Dagur tvö í knattspyrnuskólanum.

Knattspyrnuskóli Grétars Rafns hélt áfram í dag af fullum krafti og góðir gestir mættu í heimsókn.

Það var engin önnur en Siglfirðingurinn Sandra Sigurðardóttir landsliðsmarkvörður Íslands í knattspyrnu sem mætti á svæðið ásamt Þorláki Árnasyni.

Þorlákur er yfirþjálfari allra barna- og unglingaflokka Stjörnunnar úr Garðabæ og hefur auk þess starfað mikið fyrir KSÍ.

Sandra og Þorlákur tóku vel á því með krökkunum og ekkert gefið eftir.

Krafturinn og áræðnin skein úr andlitum þátttakenda í knattspyrnuskólanum og ljóst er að þau eru að fá mikla og góða þjálfun.

Fleiri ljósmyndir frá knattspyrnuskólanum koma síðar.