Fjallabyggð mun greiða 854 milljónir kr. í veiðigjöld

Skv. skýrslu þeirra Daða Más Kristóferssonar dósents við Háskóla Íslands og Stefáns B. Gunnlaugssonar lektors við Háskólann á Akureyri sem unnin var fyrir Atvinnuveganefnd Alþingis munu útgerðir í Fjallabyggð greiða 854 milljónir kr. í veiðigjöld verði kvótafrumvörp ríkisstjórnarinnar samþykkt.

Um áhrif á byggðir segir Daði að megnið af kvótanum sé úti á landi og með veiðigjaldinu fari peningar frá hagkerfum landsbyggðarinnar í ríkiskassann.

Hann sagði og að auðvitað sjái menn ekki í hvað peningum yrði varið, eftir að ríkið nær þeim, en erfitt sé að sjá hvernig þessi skattlagning styrkti atvinnulíf á landsbyggðinni. Byggðaaðgerðirnar á móti séu dvergvaxnar.

Texti: Heimasíða Ramma
Mynd: GJS