Hollenskur barnabókahöfundur á Siglufirði

Í Herhúsinu dvelur um þessar mundir hollenski barnabókahöfundurinn Marjolijn Hof.

Marjolijn er bókasafnsfræðingur að mennt en fór að skrifa bækur upp úr fertugu og urðu bækur hennar vinsælar í heimalandinu og hafa verið þýddar á fjölmörg tungumál. 

Marjolijn dvelur í nóvembermánuði í Herhúsinu og er hún að safna að sér upplýsingum í nýja bók og tengist efni hennar Siglufirði og síldinni.

Hægt er að fylgjast með því hvað hún er að gera í Herhúsinu en hún heldur úti bloggsíðu um það sem hún er að gera.