KK og Maggi slógu í gegn

Frábær mæting var á tónleika KK og Magga Eiríks í Kaffi Rauðku á fimmtudaginn þar sem þeir félagar slógu rækilega í gegn.

Þeir KK og Maggi voru að vana kampakátir og reittu af sér brandarana milli laga gestum til mikillar skemmtunar. Í lokin tóku þeir félagar lagið „Kátir voru karlar“ þar sem salurinn tók allur undir og allt ætlaði hreinlega um koll að keyra.

Það styttist síðan í tónleika Bubba en hann mun spila á Kaffi Rauðku næstkomandi miðvikudag klukkan 20:30.

Hér má sjá upptöku frá tónleikum KK og Magga á Kaffi Rauðku.