Lesið úr nýrri bók.

Í haust gefur Veröld út ævisögu séra Bjarna Þorsteinssonar tónskálds og þjóðlagasafnara, sem nefndur hefur verið "faðir Siglufjarðar," en Bjarni skipulagði byggðina á Siglufjarðareyri og barðist manna mest fyrir kaupstaðarréttindunum sem fengust 1918.

Viðar Hreinsson bókmenntafræðingur skrifar ævisögu Bjarna og mun lesa úr henni, í fyrsta sinn, í Þjóðlagasetri Bjarna Þorsteinssonar við Norðurgötu á Siglufirði í dag, föstudag, kl. 17. Viðar hefur grafið upp ýmsar heimildir, meðal annars ástarbréf Bjarna til Sigríðar Lárusdóttur Blöndal, en Bjarni og Sigríður voru fjögur ár í festum áður en þau giftu sig.



Texti: Aðsendur

Mynd: GJS