Lífið við höfnina

Það er alltaf líf og fjör við höfnina á Siglufirði. Um helgina fór fram sjóstangaveiðimót og svo koma bátar af öllum stærðum og gerðum með afla að landi. Það eru þó fjölmargar aðferðir við það að veiða fisk eins og fréttamaður fékk að kynnast á göngu sinni um hafnarsvæðið.

Það mátti sjá krakka með veiðistangir og voru þau að vonast eftir þorski en það hafði þó verið lítið að hafa og aflabrögð léleg.

Krakkarnir voru þó ekkert á því að gefast upp og héldu ótrauð áfram.

Þeir voru öllu hressari með aflabrögðin félagarnir á sjókajökunum og hafði annar þeirra þetta að segja um veiðina aðeins utar í firðinum: ,,Þetta er alveg yndislegt og það er hvergi betra að vera".



Krakkarnir voru í miklum veiðihug



Flottur afli