Mikil kátína á þrettándagleði Kiwanis

Þrettándi dagur jóla var haldinn hátíðlegur á tuttugasta og öðrum degi jóla á Siglufirði. Skipti engum togum þó svo að biðin hafi verið löng, spennan hafði þá bara magnast. Fjöldi bæjarbúa mætti á staðinn, allir með bros á vör og krakkarnir skemmtu sér konunglega.


Blysförin lagði af stað frá torginu klukkan 17 eins og skipulagt var og hafði þá fjöldi fólks safnast saman til að taka þátt. Jólasveinninn, sem eflaust var orðinn þreyttur eftir langa dvöl í mannabyggðum, leiddi skrúðgönguna ofan á slökkvibílnum og fylgdu álfar og huldufólk honum fast á hæla.

Við bálköstinn var sungið hástöfum og flugeldasýning Kiwanis hafði aldrei verið glæsilegri og lýsti skemmtilega upp kvöldið. Að lokinni flugeldasýningu og brennu var skundað á Allann þar sem 10 bekkur sá um glæsilegt grímuball fyrir yngstu kynslóðina sem skemmti sér konunglega.

Fleiri myndir má sjá hér