Sáu snjó í fyrsta sinn

Hópur sjálfboðaliða, sem samanstendur af fólki frá ýmsum þjóðlöndum dvelur nú á Siglufirði. Hópurinn er að sinna ýmsum verkefnum m.a. í tengslum við Síldarævintýrið.



Hópurinn er hér á vegum SEEDS, See beyond borders, sem eru alþjóðleg samtök sem vilja stuðla að auknum skilningi fólks á náttúru og umhverfi og samskiptum ólíkra þjóða og menningar.

Gestur Hansa fór með hópinn í fjallgönguferð um daginn og var hópurinn alsæll með ferðina. Gengin var hin svokallaða Dalaleið og lagt var af stað úr Skarðsdal upp á Eggjarnar og norður Hafnarfjall inn Leirdali.

Margir í þessum fjölþjóðlega hópi voru að sjá snjó í fyrsta skipti þannig að það var mikil upplifun fyrir þau að ganga í þessu stórbrotna landslagi og snerta snjó í fyrsta skipti á ævinni.

Þetta var mikil ævintýraferð hjá hópnum og koma þau til með að geyma þessar minningar frá Siglufirði um alla tíð.



Stórbrotið útsýni yfir bæinn



Falleg gönguleið



Snjórinn vakti mikla athygli hjá hópnum og voru mörg þeirra að sjá og snerta snjó í fyrsta sinn



Gleðin skein úr hverju andliti