Úthlutun menningarstyrkja árið 2011

Úthlutun á verkefnastyrkjum Menningarráðs Eyþings, mennta- og menningarmálaráðuneytis og iðnaðarráðuneytis fór fram í sjöunda sinn þann 20. apríl síðastliðinn.

Athöfnin fór að þessu sinni fram á Hótel Reynihlíð í Mývatnssveit. Kammerkórinn Hymnodia sá um tónlistaratriði og gerði daginn hátíðlegan, enda ekki á hverjum degi sem veglegir styrkir eru veittir til menningarmála. Alls fóru fjórir styrkir til Fjallabyggðar og voru þeir veittir í eftirfarandi verkefni:  Þjóðlagahátíð, Ljóðasetur Íslands á Siglufirði, bátasmíðaverkefni Síldarminjasafnsins og Blúshátíð á Ólafsfirði.