Leikið í Eimskipsbikarnum á morgun

Handknattleiksdeild KS tekur á móti ÍR í íþróttahúsinu á morgun kl. 18:30. Ljóst er að drengirnir eiga við erfiðan andstæðing að etja og er stuðningur bæjarbúa kærkominn. Sparisjóður Siglufjarðar, Rammi og KS bjóða öllum 16 ára og yngri á leikinn og þrír heppnir krakkar verða dregnir út og fá óvæntan glaðning.
Miðaverð er 1.000 kr. og ekki er tekið við kortum. Þess má geta að Sigmundur Sigmundsson hefur nú jafnað sig af meiðslum og mun koma sterkur inní lið KS sem er skipað gömlum refum og yngri óreyndum drengjum.