Frjálsíþróttafólk á ferð og flugi

Það hefur verið mikið um að vera hjá frjáls-íþróttaiðkendum Umf Glóa undanfarnar vikur. Þann 16. ágúst var 1. Kastmót haustsins hér heima og daginn eftir var farið upp á Krók þar sem sjö Siglfirðingar spreyttu sig í keppni með iðkendum UMSS, var það skemmtilegt mót.

Um síðustu helgi keppti Arnar Þór Sverrisson í kúluvarpi á Íslandsmóti 15-22 ára og varð 6. Í sínum aldursflokki.

Í þessari viku voru svo farnar tvær ferðir á Akureyri þar sem fram fór Aldursflokkamót UMSE og mættu okkar iðkendur þar Eyfirsku íþróttafólki í mjög skemmtilegri keppni í blíðskaparveðri.

 Á því móti var keppt til verðlauna og unnu Siglfirðingar til 10 verðlauna í þeim tæplega 30 greinum sem þeir tóku þátt í. Var árangurinn áberandi bestur í kastgreinum enda eru það greinarnar sem helst er hægt að æfa miðað við aðstöðuna hér.

Allir iðkendur hafa verið að bæta afrek sín á þessum mótum og 8 siglfirsk aldursflokkamet voru bætt. Nánari fréttir má sjá á vefsíðu Glóa www.umfgloi.123.is

Patrekur Þórarinsson, lengst til hægri, vann til þriggja bronsverðlauna í flokki 14 – 15 ára

Guðbrandur Elí Skarphéðinsson, til vinstri, varð 2. í kúluvarpi og Hjörvar Már Aðalsteinsson, til hægri, varð þriðji og hann náði auk þess silfrinu í boltakasti í flokki 10-11 ára stráka

Elín Helga Þórarinsdóttir, lengst til hægri,sigraði í boltakasti hjá stúlkum 10-11 ára og varð þriðja í kúluvarpi

Texti og myndir: Þórarinn Hannesson