Gluggaþvottur hjá 10 bekk

Það er liður í fjáröflun 10 bekkjar að sjá um að hreinsa bankaskotið og þrífa gluggana á Sparisjóð Siglufjarðar. Í blíðunni í gær mættu fjórir vaskir drengir til starfans og fórst þeim það vel úr hendi, gluggarnir urðu svo hreinir að stúlkurnar í bekknum voru fljótar að fara að spegla sig í þeim. Það er aldrei að vita nema bekkurinn geti tekið fleiri glugga að sér ef eftir því er leitað sögðu drengirnir.