Gönguskíðaferð upp á Súlur

Ferðafélag Siglufjarðar stóð fyrir sinni árlegu skíðagöngu á sumardaginn fyrsta.
Veðrið var mjög gott eins og vera ber á þessum degi og skartaði fjörðurinn sínu fegursta.
Það var heldur dræm mæting en aðeins þrír fóru í gönguna.
Gengið var frá skíðaskálanum í Skarðsdal upp á Súlur og komið til baka sömu leið.

Næsta ferð á vegum Ferðafélags Siglufjarðar er fuglaskoðunarferð 3. maí.
Hægt er að nálgast frekari upplýsingar um næstu ferðir í bæklingi Ferðafélags Íslands.
Bæklingurinn er aðgengilegur á netinu á vefsíðu félagsins www.fi.is.