Gospeltónleikar í kvöld í Siglufjarðarkirkju

Það vantar ekki skemmtanagleðina í Siglfirðinga þessa helgina en í Siglufjarðarkirkju í kvöld verða gospeltónleikar Gospelkórs Siglufjarðar. Hefjast þeir klukkan 20:00 og er aðgangur frír.

Það er enginn annar en Óskar Einarsson sem stýrir kórnum í kvöld en hann ætti að vera orðinn Siglfirðingum vel kunnur. Það muna eflaust flestir eftir því mikla fjöri sem myndaðist á útitónleikum kórsins um verslunarmannahelgina í sumar.

Má segja að þetta verði góð upphitun fyrir ballið með SagaKlass á Allanum seinna um kvöldið.