Skólaheimsóknir á Ljóðasetur Íslands

Einn af liðunum í starfsemi Ljóðasetursins verður að taka á móti skólahópum og er þessa dagana verið að stíga fyrstu skrefin á þeirri braut. Nemendur 10. bekkjanna í Grunnskóla Fjallabyggðar riðu á vaðið, í þessari viku.

Fyrri bekkurinn kom í heimsókn á mánudag og sá síðari í morgun. Heimsóknirnar voru liður í undirbúningi þeirra fyrir samræmt próf í íslensku, en ljóðgreining og bragfræði er einn prófhlutanna. Forstöðumaður setursins tók á móti nemendum, sagði frá starfseminni, las ljóð og fór yfir grunnreglur í íslenskri bragfræði. Að lokum skoðuðu nemendur sig um á setrinu.







Kennararnir: Halldóra María og Þórarinn Hannesson, forstöðumaður Ljóðaseturs.

Texti:ÞH

Myndir: GJS