Hörður Torfa á Ljóðasetrinu föstudaginn 6. júlí

Á Ljóðasetrinu er boðið upp á lifandi viðburði dag hvern kl. 16.00 og er leitast við að fá skáld landsins og jafnvel tónlistarmenn til að koma þar fram.

Á morgun, föstudaginn 6. júlí, mun Hörður Torfason líta í heimsókn á setrið, spjalla við gesti og leika nokkur af sínum lögum. 

Hörður mun svo halda tónleika í Bátahúsinu á föstudagskvöldið og eru þeir liður í Þjóðlagahátíðinni sem nú stendur yfir hér á Siglufirði.