Hvanneyrarbraut 59 á Siglufirði

Eldur kom upp í íbúðarhúsi Jóns Salmannssonar og Helgu Hermannsdóttur við Hvanneyrarbraut 59 á Siglufirði 9. febrúar sl. Fólkið var í fastasvefni og vaknaði upp við reykskynjara. Ljóst er að það bjargaði heimilisfólkinu.

Viðurkenndi húsráðandi að slökkvitæki hefði vantað í húsið, sem hefði komið að góðum notum við þann eld sem þar var.

Eldvarnarmiðstöðin brást skjótt við og óskaði eftir því við slökkviliðsstjórann í Fjallabyggð Ámunda Gunnarsson að hann afhenti fjölskyldunni slökkvitæki þeim að kosnaðarlausu.

Athöfnin fór fram á slökkviliðsstöðinni á Siglufirði föstudaginn 24. febrúar kl. 17:30.

Hér eru nokkrar myndir frá afhendingunni.



Ámundi að afhenda fjölskyldunni slökkvitækið.







Texti og myndir: GJS