Íbúum fjallabyggðar gefinn kostur á að leika í auglýsingu

Áhugasömum leikurum og öðrum gefst nú færi á að fara í áheyrnarprufur í Grunnskóla Fjallabyggðar við Hlíðarveg á Siglufirði á morgun, 29.des. milli klukkan 10:00-17:00 en þar gefst fólki kostur á að sýna hæfileika sína fyrir gerð sjónvarpsauglýsingar sem taka á upp í lok janúar á næsta ári.




Verið er að leita eftir fólki á aldrinum 10-12 ára og 17-20 ára og eins fólki á miðjum aldri til að leika foreldra og kennara.

Um er að ræða bæði stór og lítil hlutverk og er örugglega gaman að kynnast því hvernig svona auglýsing verður til.

Áhugasamir geta mætt beint í áheyrnarprufur en eins er hægt að hafa samband við Sigmund Sigurðsson, tengilið leikstjórans, í síma 847-2223.