Jólaundirbúningur

Jólaundirbúningurinn er hafinn á Siglufirði, að minnsta kosti hjá bæjarkörlunum á Siglufirði.

Um langt árabil hafa starfsmenn áhaldahússins séð um að skreyta bæinn fyrir jólin.



Líklega fer í þetta óheyrilegt magn af perum, skrauti, festingum og þess háttar, að ónefndum öllum vinnustundum starfsmanna.

Allt saman hjálpar þetta til við að létta lundina og lýsa upp skammdegið.

Það verður gaman að fylgjast með bænum komast hægt og rólega í jólabúning og eru þónokkur hús orðin vel skreytt.