Jón og Séra Jón vann Skjaldborg

Heimildarmyndin Jón og séra Jón vann áhorfendaverðlaun Skjaldborgarhátíðarinnar sem kölluð er Einarinn. Steinþór Birgisson gerði myndina og tók það hann sjö ár að vinna hana.


Myndin fjallar um hina sérkennilegu persónu Jóns sem er einmana bóndi og prestur á Vestfjörðum með sókn sem telur 47 manns.

Sóknarbörnunum líkar illa við prest sinn og ekki alltaf að ósekju, þarsem hann er sérlundaður. Þau bola honum á brott og að mati Jóns og séra Jóns er það vegna girndar í hlunnindin sem jörðinni hans fylgja.

Af myndinni að ráða virðist það samt ekki vera eina ástæðan.