Kunnuglegt hljóð álftaparsins

Ljósmynd: www.sk21.is

Það var við ljósaskiptin að kvöldi síðastliðins þriðjudag 26. mars, að nokkrir íbúar í suðurbænum á Siglufirði heyrðu kunnugleg hljóð, hljóð sem þeir höfðu oft áður numið. Þetta var kvak álfapars sem kom fljúgandi inn fjörðinn og settust á Leirurnar.

Ekki fór ég á vettvang þá til myndatöku vegna rökkurs sem komið var, en hugsaði mér gott til glóðarinnar daginn eftir. En sú veiði brást og einnig fyrrihluta dagsins í dag. Hreiðar Jóhanns náði þó myndum af álftunum snemma í morgun sem birtust á Sigló.is í gær.

En loksins seinnipartinn í dag fréttist af álftunum þar sem þær voru í grasbeit á svæði æðarvarpsins sunnan við Bás. Og þar og í nágrenni náði ég myndum.

Myndir og texti: Steingrímur Kristinsson

www.sk21.is