Kvæðamannakvöld í Þjóðlagasetrinu

Kvæðamannafélagið Ríma kom saman í gærkveldi til að kveða gömlu kvæðalögin okkar og syngja þjóðlög. Ríma kemur saman öll fimmtudagskvöld milli átta og níu, oftast í Þjóðlagasetrinu, en einnig í Ljóðasetrinu og á Torginu.

Ríma undirbýr nú kvæðamannamót sem haldið verður hér á Siglufirði 3. mars. Þangað munu koma kvæðamenn frá öllum landshornum til að læra af Báru kvæðakonu og skemmta sér saman. 

Kvæðamannafélagið Ríma var stofnað þann 14. október síðast liðinn, á 150 ára fæðingarafmæli sr. Bjarna Þorsteinssonar, og hefur starfað með miklum ágætum í vetur.