Kvenfélag Sjúkrahúss Siglufjarðar hélt aðalfund

Kvenfélag Sjúkrahúss Siglufjarðar hélt aðalfund sinn í sal Skálarhlíðar sunnudaginn 29. nóvember. Á dagskránni voru venjuleg aðalfundarstörf, spiluð félagsvist og boðið upp á gómsætar kaffiveitingar.
Félagsmenn í Kvenfélagi Sjúkrahúss Siglufjarðar eru 113 og þar af eru 3 karlmenn skráðir  félagsmenn, en það eru Jón Sigurbjörnsson, Sigurður Jóhannesson og Andrés Magnússon.

Félagið sér um sölu fermingarskeyta, minningarkorta og heldur stórbingó einu sinni á ári. Allur ágóði rennur til tækjakaupa á Heilbrigðisstofnun Siglufjarðar. Núverandi formaður er Sólrún Júlíusdóttir en á síðasta ári tók hún við af frænku sinni Magaðlenu S. Hallsdóttur sem sinnti starfi formanns í 28 ár.

Stjórnin. Á myndina vantar Þóru B. Jónsdóttur, varagjaldkera.



Fyrrverandi formaður og núverandi formaður.



Hver veit nema þessi unga snót verði formaður eins og móðir hennar.