Laufskálarétt

Siglo.is brá sér í Laufskálarétt á laugardaginn. Þrátt fyrir leiðinda veður, slyddu og kulda var létt yfir fólki. Rúmlega fimmhundruð hross voru í réttunum en um tvöþúsund manns mættu til að sjá herlegheitin. Siglfirðingar áttu að sjálfsögu fulltrúa í réttunum enda má segja að fólk frá öllum landshlutum og fjöldi útlendinga mætti á þennan vinsæla viðburð í Skagafirði.
Söngur og kannski örlítil brjóstbirta tók mesta hrollinn úr mannskapnum og margir ætluðu á stórdansleik um kvöldið.

Myndir HÉR

Hér má sjá stórvin Siglufjarðar Hilmar H Aadnegard þungt hugsi en líklega hafði hann týnt gleraugunum.