Leikskólagöngutúr, myndir og myndband

Fréttir

Leikskólagöngutúr, myndir og myndband

Síðastliðinn miðvikudag var heldur betur fjör hjá eldri deildum leikskólans Leikskála á Siglufirði.

Það var farið í göngutúr í bæinn. Þegar í bæinn var komið raðaði hópurinn sér í kring um jólatréð sem stendur á Ráðhústorginu og söng nokkur jólalög.

Eftir sönginn var heldur betur veisla hjá krökkunum og börnin fengu kakó og kruðerí bæði í Allanum og á Kaffi Rauðku.

Það var mjög skemmtilegt að fylgja börnunum og að sjálfsögðu leikskólakennurunum (ég var næstum því búin að skrifa "fóstrunum" en það má alls ekki) eftir þennan miðvikudagsmorgun.

Krakkarnir ljómuðu af ánægju og jólagleðin greinilega farin að gera vart við sig.

Hér bíða börn og leikskólakennarar eftir því að fá að leggja af stað.

Þessum unga dreng fannst alls ekki leiðinlegt að fara í göngutúr

Svo var dansað í kring um jólatréð á Ráðhústorgi.

Og eitt örstutt myndband í lokin.

Og svo miklu meira af myndum hér bæði af Allanum og Kaffi Rauðku.

Til baka

Leikskólagöngutúr, myndir og myndband