Leikskólinn Leikskálar

Ég smellti af nokkrum myndum af krökkunum í leikskólanum í gær.

 

Mikið stuð var á krökkunum og flest allir vildu lofa mér að taka myndir.

 

Fóstrurnar voru hins vegar ögn erfiðari í samningaviðræðum um myndatöku en sættir náðust um að ég fengi að taka myndir af þeim seinna. 

 

En yngstu íbúarnir í sveitafélaginu vildu ólm láta taka myndir af sér og helst margar.

 

Svona á þetta að vera. Það er einhvernveginn miklu skemmtilegra þegar maður er beðin um að taka myndir.

 

Ég fékk til dæmis nokkru sinnum þessa spurningu "ætlarðu ekki örugglega að taka mynd af mér líka?". Og svo að sjálfsögðu vildu nokkrir fá að sjá myndina sem ég tók til að samþykkja að hún væri í lagi. 

 

Flottir krakkar sem við eigum í Fjallabyggð.