Ljóđ eftir Magnús Pálsson
sksiglo.is | Almennt | 10.11.2014 | 15:30 | Jón Hrólfur Baldursson | Lestrar 487 | Athugasemdir (
Mynd / Hrólfur
Magnús Pálsson sendi okkur ljóð sem hann samdi fyrir nokkrum árum
þegar hann kom heim til Siglufjarðar
Komið í heimsókn til Siglufjarðar að sumarlagi .
Fjörðurinn minn fagri tekur
með faðm útbreiddann móti mér
Gamlar myndir upp glæstar vekur
þær gleðistundir sem áttum hér.
Sólin baðar sund og hæðir
sendir geisla í hjarta og sál.
Grænni kápu grundir klæðir.
þar grösin blómstra í hverri skál.
Ég kveð að sinni minn kunni fjörður
svo kær ert mér með þinn lækjarnið.
Faðm þinn hlýjan fjöllum gjörður
þú fyllir hugann af ást og frið.
Höfundur Magnús Pálsson
fæddur á Siglufirði 1939
Athugasemdir