Ljóðasetrið.

Þórarinn Hannesson vinnur nú hörðum höndum að því að opna Ljóðasetrið í húsnæði Videovals að Túngötu 5.

Í ljóðasetrinu verður íslenskri ljóðlist gerð skil með ýmsum hætti.

Ljóðasetrið verður svo sannarlega skemmtileg og góð viðbót við safnaflóruna á Siglufirði.

Fjölbreytt lista- og menningarlíf er mikilvæg stoð til þess að styðja við bæjarfélagið og verður spennandi að fylgjast með þróun Ljóðasetursins.

Siglufjörður hefur á undanförnum árum verið að marka sér sess sem ferðamannabær og við höfum uppá svo margt að bjóða. 

Öflugt menningarlíf hjálpar til við að við að skapa ákveðið andrúm í bænum sem gerir hann eftirsóknarverðann  fyrir fólk til að búa í og sérstaklega til þess að sækja heim.

Það er því fagnaðarefni að sjá Ljóðasetrið rísa. Tóti (Þórarinn Hannesson) stefnir að því að opna Ljóðasetrið í lok júlí eða í kringum Síldarævintýrið.