Ljóstrað upp um titil nýrrar glæpasögu.

Eins og greint hefur verið frá verður í fyrsta sinn lesið úr nýrri glæpasögu Ragnars Jónassonar á Síldarævintýrinu í ár, en sagan er sjálfstætt framhald siglfirsku glæpasögunnar Snjóblindu sem kom út fyrir síðustu jól.

Siglufjörður er líka í forgrunni að þessu sinni og fæst aðalsöguhetjan, Ari Þór Arason, ungur lögreglumaður á Siglufirði, við rannsókn á morðmáli eftir að maður búsettur á Siglufirði finnst látinn í Skagafirði.

Titill sögunnar hefur ekki enn verið gefinn upp en til stendur að ljóstra upp um hann á upplestrinum, sem fram fer í Þjóðlagasetrinu föstudaginn 29. júlí og hefst kl. 17.00.

Texti og mynd: Aðsent.