Málarar gera víðreist

Það er búið að vera brjálað að gera hjá Siglfirska málaragenginu í sumar. Það eru ófá húsin sem þeir eru búnir að taka í gegn á Siglufirði í sumar og er bærinn okkar fallegri fyrir vikið.


Þeir félagar voru staddir á Ólafsfirði í vikunni þar sem þeir ásamt flest öllum iðnaðarmönnum á Ólafsfirði eru að vinna hörðum höndum að gagngerum endurbótum á gamla gagnfræðiskólahúsinu sem nú gengur í endurnýjun lífdaga.

Menntaskólinn á Tröllaskaga tekur til starfa um miðjan ágúst og þarf því að hafa hraðar hendur. En eins og máltækið segir þá vinna margar hendur létt verk og rífandi gangur er í framkvæmdum.

Málararnir gáfu sér þó smá tíma til þess að ræða við fréttamann um hin og þessi mál auk þess sem þeir stilltu sér upp fyrir myndavélina.