Mánaberg ÓF-42 landar í Þorlákshöfn

Þriðjudaginn 5. júlí kom Mánaberg ÓF 42 til hafnar í Þorlákshöfn með góðan úthafskarfaafla af Reykjaneshrygg og er honum landað þar. Í skipinu eru 257 tonn af afurðum, sem svarar til 436 tonna afla upp úr sjó.

Mánaberg millilandaði í Reykjavík 20. júní s.l. svipuðu magni og hélt þaðan á úthafskarfamiðin og kláraði veiðiferðina sem fyrr segir s.l. nótt. Heildaraflinn í þessum tvískipta úthafskarfatúr er því um 870 tonn upp úr sjó að verðmæti kr. 300 milljónir.

Úthafskarfaveiðar hafa gengið vel á  vertíðinni og varð heildarafli Mánabergs 1.311 tonn. Þegar hafnarfríi áhafnarinnar lýkur er næsta verkefni að reyna við makrílinn í fyrsta sinn.  Ágæt makrílveiði hefur verið úti fyrir öllu Suðurlandi að undanförnu.

Aflinn settur í frystigám.

Heimasíða Ramma h/f