Margt var um manninn

Fjöldi fólks sótti Siglufjörð heim um páskahelgina. Sundlaugin var vel nýtt og að sögn umsjónarmanns voru eitt sinn 300 manns í lauginni, pottinum og sennilega hangandi á veggjum.
Skíðasvæðið var mjög vel sótt en 4200 manns lögðu leið sína í Siglfirsku Alpana í dymbilvikunni og eru gestir í Skarðinu komnir yfir 10 þús. þennan veturinn. Ein er sú keppni sem er fastur liður um páskana en það er garpakeppnin á skíðum. Frægir skíðakappar frá síðustu öld reyna með sér í braut en stoppa í miðri braut til að fá sér malt. Meðal keppanda núna voru Sigurjón Erlends, Andrés Stefáns, Brynjar Guðmundsson, Tryggvi Jónasar, Steinunn Sæmunds, Pétur Hrólfs og margir fleiri.

Myndir frá keppninni HÉR