Menntaskólinn á Tröllaskaga

Menntaskólinn á Tröllaskaga hefur sitt annað starfsár mánudaginn 22. ágúst n.k. Í skólanum verða rétt tæplega 100 nemendur sem er töluvert meira en upphaflegar áætlanir gerðu ráð fyrir en í samræmi við reynslu síðasta vetrar.

Nemendaígildi skólans fyrir fjárhagsárið 2011 eru 80 en vonir standa til að fjöldinn verði aukinn verulega á næstu fjárlögum fyrir árið 2012.

Fimmtán starfsmenn munu starfa í skólanum næsta vetur í rétt tæplega fjórtán stöðugildum. Námsgreinum fjölgar en meðal greina sem nú verða kenndar í fyrsta sinn eru félagsfræði, sálfræði, líffæra- og lífeðlisfræði, spænska, boltaíþróttir en einnig haldið lengra í fjölmörgum námsgreinum. Nú verður starfsbraut í fyrsta sinn við skólann sem enn eykur fjölbreytni í skólastarfinu.

Þessa vikuna er undirbúningur á fullu, skólinn þrifinn hátt og lágt, kennarar undirbúa námsefni, sveitarfélagið skipuleggur rútuferðir og allir hlakka til að hitta nemendur aftur og kynnast nýjum eftir helgina.



Lára Stefánsdóttir skólameistari að hlýða á fyrirlestur hjá Ida Marguerite Semey Spænskukennara.



Kennarar á fyrirlestri.



Kennarar á fyrirlestri.



Jóna Vilhelmína Héðinsdóttir aðstoðarskólameistari.

Texti: Lára Stefánsdóttir

Myndir: GJS