Mottumars hefst í dag.

Árlega greinast að meðaltali 716 karlmenn með krabbamein hér á landi og um 250 deyja af orsökum þess.

Með því að skrá sig á heimasíðu krabbameinsfélagsins, sem er www.mottumars.is, geta karlmenn efnt til eigin fjáröflunar til að styrkja málefnið. Bæði einstaklingar og lið geta skráð sig til þátttöku í mottusamkeppnina en vefurinn verður opnaður formlega í dag.

Vel þótti takast til með mottumars í fyrra og mátti hvarvetna sjá karlmenn skarta yfirvaraskeggi. Þeir sem vilja leggja þessu málefni lið geta því gert það í formi áheita en karlmenn eru auðvitað hvattir til að skrá sig til leiks og um leið leggja rakvélina á hilluna.