Myndband með gömlum myndum

 

Við byrjuðum á að taka myndir úr flokknum "Andlit"   í flettiglugga Ljósmyndasafnsins. Það er að sjálfsögðu bara örlítið brot af myndum í þessu myndbandi sem eru í þessum flokki. Ef ykkur finnst myndirnar fara of hratt yfir þá væri gott að fá að vita það í athugasemdarkerfinu. 

 

Ef þið þekkið einhvern í myndbandinu geti þið stoppað myndbandið og tekið númerið sem er fyrir ofan myndirnar. Númerið geti þið slegið inn í "leit" í Ljósmyndasafninu og hugsanlega er meira af myndum af persónunum á myndunum nálægt númerinu við myndirnar. 

 

Lögin sem hljóma undir eru "Háseta vantar á bát" með Ragga Bjarna og "Heimkoman" með Vilhjálmi Vilhjálmssyni.

 

Og af því ég hef fengið fyrirspurn um það af hverju myndböndin sem við höfum sett inn á vefinn væru svona lítil, þ.e.a.s. af hverju fylla þau ekki út í skjáinn þá kem ég með útskýringu fyrir þá sem vilja.

 

Ef þið setjið bendilinn yfir myndbandið þá er hnappur sem birtist þar neðst hægra megin í horninu sem er eins og kassi. Hægra megin við hnapp merktan "youtube" . Ef þið smellið á þann hnapp kemur myndbandið stærra upp á skjáinn. Til þess að minnka myndbandið aftur er ýtt á "escape" takkann. Yfirleitt eða alltaf er sá takki merktur "esc" og er efst til vinstri á lyklaborðinu. 

 

 

En vonandi lýst ykkur vel á þetta og hafið gaman af og ætlunin er að gera meira af þessu ef vel tekst til með þetta.