Sveinn H. Zophoníasson sendi okkur nokkrar myndir

Sveinn H. Zophoníasson eða Denni á B.Á.S. sendi okkur nokkrar línur og myndir.

Frá Denna.

"Jón bóndi á Þrasastöðum í Stíflu þurfti að koma um 500 lömbum til slátrunar í dag vegna áhlaupsins, sem stendur reyndar enn þegar þessi orð eru skrifuð, og var ógerningur að sækja lömbin til hans öðruvísi en að moka veginn fram að Þrasastöðum.

Þegar komið var yfir Stífluhólana komum við í annan heim ef svo má segja. Nánast hvergi sást í dökkan díl og vetrarríkið var allsráðandi, skafrenningur, ofankoma og allmikill vindur.

Hér koma myndir sem við tókum og sýna hvernig var umhorfs í Stíflunni í dag."

Það er alltaf gaman að fá svona fréttir sendar til okkar og þið megið endilega senda á okkur fréttir og myndir sem þið viljið lofa okkur að birta hér á Siglo.is

Við þökkum Denna kærlega fyrir og vonandi sendir hann okkur eitthvað meira af verkefnunum sem B.Á.S. sér um.

En hérna koma myndirnar frá Denna. Það er alveg satt, þetta er vetrarríki.