Norðurgata 4

Húsin á Eyrinni eru mörg hver að ganga í endurnýjun lífdaga. Húsið að Norðurgötu 4 var farið að láta verulega á sjá en er nú að taka stakkaskiptum og verður glæsilegt á að líta þegar verkinu lýkur.

Sigurbjörn eða Bjössi eins og hann er oftast kallaður hefur gert upp nokkur hús hér í bænum með góðum árangri og nú er hann byrjaður á Norðurgötu 4.

Búið er að laga þakið og skipta um glugga í húsinu sem eru haganlega smíðaðir af honum sjálfum.

Hann vinnur nú að því að undirbúa húsið fyrir veturinn og stefnir að því að klára húsið á næsta ári.