Notaleg stund í Gránu

Fréttir

Notaleg stund í Gránu

Gestir

Í gærkvöldi fór fram húslestur í Gránu, verksmiðjuhúsi Síldarminjasafnsins. Kveikt var á kertaljósum víðsvegar um húsið og myndaðist notaleg og afslappandi stemning.

Starfsmenn Síldarminjasafnsins sáu að mestu leyti um upplestur, en Páll Helgason las einnig frumsamin ljóð úr ljóðakveri sínu Frá getnaði til grafar.

Anita Elefsen las úr bók Viðars Hreinssonar, Bjarni Þorsteinsson – eldhugi við ysta haf. Halldóra Freyja Pétursdóttir og Hildur Örlygsdóttir lásu úr bók Örlygs Kristfinnssonar Saga úr síldarfirði. Sjálfur las Örlygur úr óprentuðu handriti sínu kafla um „Svörtu Maríu“. Síðastur á svið var Páll Helgason, en hann las eigin ljóð við góðar undirtektir nærstaddra. Um 40 manns sóttu húslesturinn.